Молитва на Покров Пресвятой Богородицы О, Пресвятая Дево, Мати Господа вышних сил, небесе и земли…
14.10.2026 · 3 780 просмотров · канал @zhiviy_v_pomochty
Молитва на Покров Пресвятой Богородицы
О, Пресвятая Дево, Мати Господа вышних сил, небесе и земли Царице, града и страны нашея Всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим, и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим, и испроси у Бога Сына Твоего: пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды.
Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надежда и Заступница всех, притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.
☦️Толкования молитв: вникаем в смысл!
Теперь и в 🇷🇺MAX
Похожие публикации
- ✅ Завтра 21 сентября, Понедельник ☀️ Седмица 17-я по Пятидесятнице 🍽 Поста нет ☦️ Икона: Рождество Пресвятой Богородицы ✨ 21…
Православный Календарь · 13 276 просмотров - ПОЗДРАВЛЯЮ С РОЖДЕСТВОМ ПРЕСВЯТОЙ БОГОРОДИЦЫ! Мои дорогие, сердечно поздравляю вас, ваших родных и близких с радостным, добрым…
Позитивный Батюшка. Священник Антоний Русакевич · 12 475 просмотров - 14 октября — Покров Пресвятой Богородицы! Сегодня мы отмечаем один из самых любимых и почитаемых праздников — Покров Пресвятой…
Православный календарь|Открытки · 8 244 просмотров - 🩵❤️🩵❤️🩵❤️🩵❤️🩵❤️ 🗓 Завтра 14 октября Церковь празднует ПОКРОВ ПРЕСВЯТОЙ ВЛАДЫЧИЦЫ НАШЕЙ БОГОРОДИЦЫ И ПРИСНОДЕВЫ МАРИИ ➖➖➖➖➖➖➖➖➖➖…
Церковный календарь: православный праздник, пост или нет · 6 710 просмотров - ОНА ИСЦЕЛЯЕТ: ЧУДЕСНЫЕ ИСТОРИИ ПОМОЩИ ПО МОЛИТВАМ ПЕРЕД КАЗАНСКОЙ ИКОНОЙ БОЖИЕЙ МАТЕРИ❤ За Казанским образом Божией Матери на…
Православная Азбука · 3 464 просмотров